Në 7 mars, Zvicra do të mbajë një referendum ku populli do të vendosë nëse do të lejohet burka në ambientet publike, pas shqetësimeve të shumta të ngritura në lidhje me mbulimin e fytyrës.

Por, para mbajtjes së referendumit janë zhvilluar sondazhe, ku 63 për qind e zviceranëve janë shprehur pro ndalimit të burkës.

Në sondazhin e realizuar u pyetën 15 mijë persona më të drejtë vote dhe shumica e tyre ishin të vendosur për të ndaluar mbulimin e fytyrës në ambientet publike.

Teksti nuk përmend në mënyrë të qartë mbulesat myslimane, duke thënë vetëm se: “askush nuk duhet të mbulojë fytyrën e tij në publik”.

Por ndalimi i propozuar, i cili është kundërshtuar nga qeveria zvicerane, shihet gjerësisht se synon burka dhe mbulesa të tjera myslimane.