Instituti i Statistikave (INSTAT) ka dalë në përfundimin që një orë pune në Shqipëri kushton mesatarisht 2.5 euro ose rreth 3,100 lekë të vjetra.
Referuar Eurostatit, krahasuar me mesataren e Bashkimit Evropian, kostoja e punës në Shqipëri kushton dhjetë herë më pak.
“Ndaj po ikën rinia jashtë. Unë studioj fizikë dhe një specialist tek Instituti i Fizikës Bërthamore merr 400 mijë lekë ndërsa në Evropë, 2,000 deri 3,000 euro”, thonë qytetarët.
Fakti që fuqia punëtore kushton kaq pak vazhdon të përbëjë avantazhin kryesor konkurrues për Shqipërinë, që vazhdon të tërheqë industritë fasone, kryesisht në tekstile e këpucë.
Për vitin 2018, vendet me koston më të lartë të punës ishin Norvegjia me 50 euro për orë, më pas Danimarka, Islanda dhe Luksemburgu me mbi 40 euro për orë pune.
