Aleanca për Shqiptarët rikujton ngjarjet e përgjakshme të 27 prillit në Kuvendin e Maqedonisë.
Ja komunikata:
27 Prilli është dita e rezistencës dhe betejës kundër një regjimi, sakrificës së liderit të Aleancës për Shqiptarët, Ziadin Sela dhe dita që solli kthesën historike për faktorizimin e shqiptarëve në Republikën e Maqedonisë së Veriut dhe rikthimin e shtetit në binarët e demokracisë e të vlerave perëndimore!
Nga kjo datë arritëm antarësimin e plotë në NATO dhe vazhdojmë rrugëtimin drejtë Bashkimit Evropian, ndërsa shqiptarët të bëhen faktor kyç të paqes dhe progresit në rajon.
Në këtë ditë kujtojmë edhe sakrificën e Feta Alimit i cili u dënua padrejtësisht, pasi rrezikoi jetën e tij duke ndihmuar Ziadin Selën, derisa organizatorët dhe fajtorët kryesor akoma nuk kanë marrë dënimin e merituar”, thekson ASH.(INA)
