Kryetari i Shoqatës së të Burgosurve dhe të Përndjekurve Politikë Shqiptarë në Maqedoni, Shpëtim Pollozhani, ka kërkuar koalicione parazgjedhore të partive politike shqiptare në Maqedoni.
Pollozhani për Makfaks thotë se për shkak se ka 6 parti politike të shqiptarëve, duhet të formohen koalicione parazgjedhore, të cilat do të ishin në interes të zërit të shqiptarëve.
Lidhur me pozitën e qeverisë së re të Zoran Zaev, Pollozhani thotë se shqiptarët presin që ai të realizojë të drejtat e premtuara të shqiptarëve, duke e bërë vendin të integrohet shpejt në BE dhe të bëhet anëtare e NATO-s.
“Ka disa hapa pozitivë lidhur me të drejtat dhe kjo duhet të vazhdojë,” ka thënë Polozhani gjatë qëndrimit të tij në Dibër.
