Është identifikuar viktima e aksidentit të ndodhur pasditen e sotme në Elbasan informojnë mediat shqiptare,transmeton Strugalajm.com.
Burime nga policia lokale bëjnë me dije se viktimë ka mbetur një burrë me shtetësi maqedonase dhe janë plagosur katër të tjerë.
Aksidenti
Në aksin rrugor Librazhd – Prrenjas në fshatin Urakë, shtetasi M.M., 64 vjeç banues në Ohër Maqedoni, duke drejtuar mjetin me targa OH 0688 AB, ka dalë nga rruga.
Si pasojë ka gjetur vdekjen e menjëhershme pasagjeri shtetasi M.M. 47 vjeç banues Strugë, Maqedoni
Gjithashtu është aksidentuar vetë drejtuesi i mjetit dhe pasagjerët;
Xh.M., 50 vjeç, banues në Maqedoni
Sh.M., rreth 41 vjeçe (bashkëshortja e viktimës) e cila është dërguar për ndihmë mjekësore në Tiranë.
M.M., 62 vjeçe (bashkëshortja e drejtuesit të mjetit) banuese në Maqedoni.
Drejtuesi i mjetit dhe dy shtetasit e tjerë janë në Spitalin e Librazhdit jashtë rrezikut për jetën.
Policia po vijon punën për zbardhjen e shkaqeve të rrethanave të daljes së mjetit nga rruga.
Për shkak të reshjeve, në këtë aks ka pasur lagështirë këtë të martë, gjë që mund të ketë ndikuar në aksidentin tragjik.
