Për shkak të reshjeve të dendura të borës, mëngjesin e sotëm është vendosur ndalesë për qarkullimin e automjeteve të rënda në rrugën Kërçovë – Ohër nëpër qafën malore të Strazhës. Siç konfirmojnë nga Lidhja Auto Moto e Maqedonisë (LAMM), që nga ora 03:45 në rrugën Mavrovë – Dibër është vendosur ndalesë për qarkullimin e automjeteve të rënda.
Ndërkohë që akoma mbetet në fuqi ndalesa për çdo lloj komunikacioni në rrugën nga fshati Balvan – deri në fshatin Tarincë në afërsi të urës në lumin Bregalnicë.
Nga LAMM apelojnë për vozitje të kujdesshme dhe respektim të rregullave të trafikut.
