Vdekshmëria nga Covid-19 në Maqedoni është akoma e lartë. Me 26 vdekjet e djeshme, vendi është në vendin e 6-të në botë sipas numrit të vdekjeve për milion banorë, dhe me 38,011 të infektuar për milion jemi në vendin e 27-të. Të dhënat tregojnë se vetëm këtë muaj 577 njerëz humbën betejën me virusin ose për këto 22 ditë mesatarja ditore e vdekjeve është 26.2, që është më shumë se mesatarja e nëntorit që ishte 25.6 vdekje në ditë, përcjell FLAKA.
Pavarësisht pretendimit të autoriteteve shëndetësore se numri i rasteve të reja pozitive është në rënie që nga fillimi i muajit, llogaritjet tregojnë se ka një ulje të ndjeshme të numrit të testeve të kryera. Gjithsej 83,450 teste janë kryer në nëntor, që do të thotë se mesatarisht janë testuar 2781 persona çdo ditë, që është 17% më shumë se testet e kryera në dhjetor, kur janë kryer gjithsej 48,471 teste në 21 ditë, që është 2308 teste mesatarisht në ditë. Këto të dhëna tregojnë se në dhjetor, si në shëndetin publik ashtu edhe në atë privat, u kryen mesatarisht 473 teste më pak çdo ditë sesa në nëntor. FLAKA
