Hyqmet Gurra nga fshati Dragostunjë i Librazhdit, prej 15 vitesh endet dyerve të gjykatës, pas një aksidenti që i mori jetën djalit të tij dhe mbesës.

Procese që vijojnë pa fund me akte ekspertize dhe përgjegjësi mbi aksidentin i ngarkojnë të moshuarit fatura marramendëse sigurimesh.

“500 milionë duhet të paguaj fatura të sigurimeve sepse 100 milionë kanë shënuar shpenzime varrimi”– tha Hyqmet Gurra.

73-vjeçari ka provuar të gjitha gjykatat e këtij vendi e ndërsa ende shpreson për drejtësi, në dorë mban shpresën e fundit.
Pas fatkeqësisë së madhe të humbjes së familjarëve të tij në një aksident tragjik, Hyqmeti vazhdon përballet me një tjetër fatkeqësi të madhe, atë të mungesës së drejtësisë.