Gjykata austriake e shpalli antikushtetues ndalimin e shamive në shkollat fillore

Gjykata Kushtetuese në Austri shpalli sot si “antikushtetues” ndalimin e shamive në shkollat fillore dhe anuloi vendimin e marrë nga qeveria e ekstremit të djathtë në vitin 2019, transmeton Anadolu Agency (AA).

Christoph Grabenwarter, kreu i Gjykatës Kushtetuese, tha se ndalimi shkel barazinë, të drejtën për lirinë e mendimit, botëkuptimit dhe fesë.

Grabenwarter tha se ligji synonte vetëm nxënësit muslimanë dhe shkaktonte diskriminim në sistemin arsimor.

Ai shtoi se ligji rrezikon të kufizojë mundësitë arsimore për nxënësit muslimanë dhe mund të bëjë që ato të përjashtohen nga shoqëria.

Grabenwarter tha se ndalesa vetëm për veshjet fetare muslimane në sistemin arsimor do të rezultojë në stigmatizimin e grupit në shoqëri.

Ai tha se ndalimi nuk përputhet me parimin e paanshmërisë së Kushtetutës, duke shtuar se justifikimet e dhëna nga qeveria që miratoi ligjin “nuk ishin objektive”.

Kreu i Gjykatës Kushtetuese të Austrisë gjithashtu tha se zbatimi i vendimit për të anuluar ligjin është detyrim ligjor i Kancelarit austriak Sebastian Kurz dhe urdhëroi Ministrinë e Arsimit të mbulojë shpenzimet gjyqësore të familjes që e çoi çështjen në gjykatë.

In : Aktuale

Loading...
loading...