Edhe pse humbi me rezultat të ngushtë në Luksemburg,ekipi strugan ka siguruar shansin për tu kualifikuar pasi në ndeshjen në Maqedoni fituan bindshëm.
Struga ka më shumë shanse që të futet në grupet e Conference League. Ndryshe nga Ballkani që pret Bate Borisov dhe Partizani që mund të ndeshet me Astanën apo Ludogorest, shorti i Strugës ishte më i lehtë. Ekipi i drejtuar nga Shpëtim Duro do të përballet me humbësin e çiftit Zrinjski-Breidablik, pra me islandezët.
Kjo pasi Zrinjski që eliminoi vjet Tiranën nga Conference League, këtë herë fitoi ndeshjen e parë me shifrat 6-2 ndaj Breidablik. Islandezët kushtojnë vetëm 2,65 milionë euro në Transfermarkt dhe Struga do të jetë favorit kundër tyre nëse nuk gabon rrugën për të shkuar në Play Off. 
