Dramë e vërtetë është zhvilluar të hënën në një sipërmarrje për ndërtimin e kopshteve në Gwatt, në afërsi të Thunit në Zvicër. Një shtetas 56-vjeçar ka qenë i angazhuar në punimet e një shtëpize kopshti, me ç`rast ai është rrëzuar dhe pëson lëndime të rënda trupore.

I aksidentuari është dërguar menjëherë në spital, ku një ditë më pas ndërron jetë, shkruajnë mediet zvicerane, njofton „Shtegu.com“. Sipas hetimeve fillestare të policisë zvicerane nga Kantoni i Bernës, shtetasi i Maqedonisë me vendbanim në Solothurn, është rrëzuar nga shkallët.

Shkaku i saktë aksidentit është në hetim e sipër, ndërsa policia i ka filluar hetimet. (Shtegu.com)