Kryetari i degës së Aleancës për Shqiptarët në Strugë, Imer Imeri i shoqëruar nga Deputeti i zonës, Syrija Rashidi dhe Nënkryetari degës, Lirim Dani, zhvilluan takim me përfaqësuesit e nismës “Diaspora për Strugën”.
Takimi u realizua në zyrën e degës së Aleancës së Strugës, ndërsa më pas u vizituan edhe zyrat e reja të Aleancës për zonën numër 5.
Temë e takimit ishte situata aktuale politike, sidomos me vonesat e paarsyeshme të MPB-së në dhënien e pasaportave për mërgimtarët. Shqetësimi i përfaqësuesëve të diasporës ishte tejet i madh për këtë çështje sepse shumicës prej tyre iu rrezikohen vendet e punës. Diaspora për Strugën është tejet e shqetësuar edhe me sjelljen e udhëheqësisë së komunës ndaj tyre, duke i cilësuar si nënçmuese dhe hakmarrëse veprimet e fundit të pushtetit lokal, që direkt cënojnë sigurinë dhe interesin e mërgimtarëve. Çështja e parkingjeve dhe marrja e parave të qytetarëve pa kupon fiskal dhe pa rregulluar si duhet çështjen e ndërmarrjes, për to paraqet një rast klasik të vjedhjes së qytetarëve.
Gjithashtu u shpreh shqetësimi reciprok në lidhje me investimet e nisura me shumë bujë nga kryetari i komunës, por që u ndërprenë që në fillim të tyre, duke shkaktuar kaos të madh në trafik dhe në lëvizjen e qytetarëve.
Së bashku u zotuam se do të shtojmë përpjekjet për bashkëpunim në më shumë fusha bashkë me diasporën strugane, gjithmonë në interes të atyre që i përfaqësojmë.
![](https://strugalajm.com/wp-content/uploads/2018/08/IMG-9fca1cd1ba026a8b57de92f43729ee9c-V.jpg)
![](https://strugalajm.com/wp-content/uploads/2018/08/IMG-25ed5d96d2f776fe1e7d3be24dda15d6-V.jpg)
![](https://strugalajm.com/wp-content/uploads/2018/08/IMG-60414cb9f5785b5c87bc2665866b8ce3-V.jpg)
![StrugaLajm](https://i0.wp.com/strugalajm.com/wp-content/uploads/2019/01/AutoCenter2.gif?resize=445%2C150&ssl=1)