Kryetari i ASH-së, Ziadin Sela ka komentuar zhvillimet e fundit rreth ndryshimeve kushtetuese për emrin dhe amendamentet që do të propozojë partia e tij. Ai ka konfirmuar se në pjesët e caktuara të ndryshimeve, ASH do të propozojë amendamentet e saj, sidomos për gjuhën shqipe dhe përcaktimin etnik që nga bashkësia etnike 20% të jetë “shqiptarë”.

“Nëse asgjë nuk merret parasysh nga ASH, atëherë do të shqyrtojmë vendimin tonë të ardhshëm politik, duke marrë një vendim të nevojshëm si parti politike, sepse ASH nuk është Ziadin Sela”, theksoi Sela.

Në pyetjen se a duhet përfshirë Marrëveshja e Ohrit në preambullën e kushtetutës, Ziadin Sela, Kryetar i ASH tha se duhet menduar mire nëse duhet future në preambullën e kushtetutës edhe Marrëveshja e Ohrit. Sipas tij ajo nuk është një marrëveshje që ka përmbzllur raportet shqiptaro-maqedonase.