Në klinikën për Sëmundje Infektive në Shkup për momentin po mjekohen 54 të prekur me COVID-19, katër nga të cilët janë në gjendje kritike, 20 kanë nevojë për maskë për frymëmarrje ndërsa të tjerët janë në gjendje më të mirë informon Ministri i Shëndetësisë Venko Filipçe.
Në 24 orët e fundit janë konfirmuar edhe 44 raste të reja me virusin korona, ndërsa në total janë bërë 392 teste për COVID-19. Në total numri i të prekurve me këtë virus në Maqedoni ka shkuar në 329.
