Dhjetëra bastisje policore u zhvilluan në Belgjikë dhe gjashtë vende të tjera evropiane në një hetim të madh mbi mashtrimin dhe kurdisjen e ndeshjeve, përcjell “Press Associtation”.

Prokuroria Publike Federale në Bruksel raportoi se 44 bastisje ndodhën në Belgjikë dhe 13 të tjera në Francë, Luksemburg, Qipro, Mal të Zi, Serbi dhe Maqedoni.

Zëdhënësi tha se hetimi vjetor gjeti prova të “veprimeve të dyshimta financiare” nga agjentët, si dhe indikacionet e “ndikimit të mundshëm mbi ndeshjet” gjatë sezonit të kaluar.

Hetimi fokusohet në “aktivitetet që lidhen me organizimin kriminal, pastrimin e parave dhe korrupsionin privat”.