Në ligjin e ri të paralajmëruar për energjetikë duhet të gjendet mënyrë që të krijohen kushte në sferën e fotovoltaikëve të investojnë edhe kompanitë më të vogla vendore për çka ka interes nga ana e tyre, thonë nga Oda ekonomike austriake në Maqedoni.
Investimet dhe bashkëpunimi në zgjidhje dhe shërbime energjetike nga sfera e fotovoltaikëve dhe deponimi i energjisë janë pjesë nga sfera për të cilat në takimin në javën e ardhshme në Shkup do të bisedojnë ndërmarrje austriake dhe të Maqedonisë. Në Maqedoni do të qëndrojë një delegacion afarist nga Austria i përbërë nga gjashtë ndërmarrje nga disa veprimtari, ndërkaq të cilat janë në gjurmim për partnerë për bashkëpunim në tregun e Maqedonisë dhe atë rajonal, për prezantim të përbashkët në tregje të treta, si dhe për përfaqësim”, paralajmëroi sot në konferencë për shtyp Smilevski.
Siç informoi, interesi më i madh është për bashkëpunim me ndërmarrje nga Austria nga sfera e fotovoltaikëve. Disa nga 15 kompani vendore të cilat tani për tani kanë shfaqur interes për bashkëpunim janë drejtpërdrejtë të kyçura dhe aktive në këtë veprimtari në shtet, ndërsa të tjerat janë ndërmarrje të njohura të mëdha vendore të cilat prodhojnë diçka dhe sipas të gjitha gjasave kërkojnë zgjidhje për prodhim të vet të energjisë elektrike.
Në Maqedoni, sipas paralajmërimit, javën e ardhshme do të qëndrojnë edhe përfaqësues të ndërmarrjeve austriake nga sferat: projektim dhe kryerje e hallave industriale dhe konsntruksioneve nga çeliku, furnitorë të sistemeve për përpunim dhe bartje të derivateve minerale, për prodhim të instalacioneve të betonit dhe transportuesve për beton, prodhim të djathërave të klasit të parë, sistemeve për mbrojtje nga vetëtimat, për mbrojtje nga mbitensionimi dhe tokëzimi.
Vizita e delegacionit afarist nga Austria është pjesë e aktiviteteve të përbashkëta të odave për intensifikim të takimeve afariste për rritje të bashkëpunimit, ku si sfidë ceket këmbimi tregtar mes dy shteteve për çka nuk janë shfrytëzuar potencialet.
Austria është partnerja e 18-të tregtare e Maqedonisë, ndërkaq ka qenë e 16-ta në vitin 2016. Në dhjetë muajt e parë të këtij viti është evidentuar bilanc negativ në këmbimin tregtar prej 54,3 milionë dollarëve. Këmbimi i përgjithshëm tregtar prej janarit deri në shtator paraqet 135,9 milionë dollarë, përkatësisht për pesë për qind më shumë në krahasim me periudhën e njëjtë të vitit të kaluar. Eksporti në atë periudhë ka qenë 42,6 milionë dollarë, për 30 për qind më shumë, ndërsa saldoja importuese 96,6 dollarë që ndërkaq është ulje për 9 për qind krahasuar me periudhën e njëjtë të vitit të kaluar.
Maqedonia dhe Austria vitin e kaluar patën këmbim të përgjithshëm tregtar prej 174 milionë dollarëve, për 0,9 për qind më pak në krahasim me vitin 2015.
