Nga nesër (e hënë 8 shkurt) udhëtarët që hyjnë në territorin zviceran do të duhet të plotësojnë një formë elektronike. Këto masa per udhëtarët që jetojnë afër kufirit nuk vlejnë, njofton gazeta zvicerane ne shqip “Le Canton27.ch” , duke ju referuar njoftimeve nga Zyra Federale e Shëndetit Publik (OFSP).
Sipas OFSP, bëhet me dije se nga e hëna e ardhshme (8 shkurt) eshte i domsodoshem plotësimi i një formular (un formulaire électronique ) elektronik për të gjithë njerëzit që hyjnë në Zvicër. Punëtorët ndërkufitar nuk preken nga ky detyrim.
“Kjo masë zbatohet për të gjitha llojet e udhëtimeve,” tha Patrick Mathys, kreu i sektorit të OFSP për menaxhimin e krizave, në një konferencë shtypi.
Sipas tij, udhëtarët që rregullisht duhet të kalojnë kufirin do të jenë një përjashtim.
“Kontrollet do të kryhen kryesisht në aeroporte. Do të ketë kontrolle të rastësishme, por jo të përgjithësuara në kufijtë tokësorë,” tha Patrick Mathys. Qëllimi i kësaj forme është të forcojë strategjinë e karantinës dhe izolimit për njerëzit që vijnë nga jashtë Zvicrës, sipas OFSP.
Vaksinimi në rrugën e duhur
“Fushata e vaksinimit po shkon normalisht dhe profesionalisht,” tha drejtoresha e OFSP Anne Lévy. Sipas saj, “strategjia e Zvicrës është e duhur”. 3, 64% e popullsisë tashmë ka marrë dozën e parë të vaksinës. Më shumë se gjysmë milioni doza janë dorëzuar në Zvicër, por shpërndarja është vonuar. “Ne nuk mund t’i përmbushim objektivat e vendosura për shkurt”, pranoi Michael Jordi, duke iu referuar mungesave të furnizimit. “Por ne do të arrijmë”, premtoi ai.
Qëllimi i Konfederatës është të vaksinojë këdo që e dëshiron atë deri në verë. Beteja kundër Covid ka treguar shenja inkurajuese të vonë, sipas Patrick Mathys. Shifrat janë ulur për raste pozitive, shtrime në spital dhe vdekje. Sidoqoftë, shkalla e riprodhimit R është përsëri në rritje. Që nga 18 janari, ai kishte një vlerë më të madhe se 1 në disa kantone. Në shkallë kombëtare, ajo qëndron në 0.98, duke ngritur frikën e një rritje të numrit të rasteve në OFSP, e cila për momentin përjashton një lehtësim të masave.
