Zëdhënësi i Qeverisë Mile Boshnjakovski përmes rrjetit social Twiter i ka treguar vendimet qeveritare nga mbledhja e 52-të e saj, njofton Aktuale.mk
Boshnjakovski u shpreh se Qeveria është kundër shtrenjtimit të ujit për qytetarët dhe kërkoi nga komisioni rregullator për energjetike ta rishqyrtojë vendimin e saj.
Zëdhënësi qeveritar informoi se Qeveria ka shkarkuar drejtorin e Agjencionit për zhvillim dhe promovim të turizmit i cili u bë i njohur në opinion me udhëtimin e tij në Argjentinë i cili kishte shpenzuar reth 4500 vetëm bileta aeroplani.
Qeveria gjithashtu ka shfuqizuar detyrimin për taksistat sipas të cilit ata mund të pajisen me licenca edhe pa njohur ndonjë gjuhë të huaj.
Në këtë mbledhje Qeveria ka shqyrtuar edhe kërkesat për marrje të shtetësisë.
