Njoftim :
Komuna e Strugës ju bën thirrje institucioneve ligjvënëse, Prokurorisë së Përgjithshme, Policisë financiare dhe Zyrës për krim të organizuar pranë MPB të hetojnë abuzimet, keqpërdorimet financiare si dhe shkeljet ligjore nga ana e ish Kryetarit të Komunës së Strugës dhe administratës së tij. 
Të hetohen rastet si më posht:
• se si janë bërë pagesa 2 milion Euro nëpërmjet përmbaruesit pa kaluar në llogarinë e Komunës së Strugës,
• si janë punësuar njerëz pa shkuar në punë dhe kanë marrë rrogë,
• revizon në Komunën e Strugës të pagesave për mirëmbajte të deponisë,
• si janë dhënë lejet e ndërtimit dhe lehtësimet për pagesat e komunaleve për mandatin e kaluar, 
• tenderimi i shëtitores,
• tenderimi i semaforëve në Strugë,
• tenderimi për blerjen e uniformave katër vite radhazi tek Njësia Territoriale e Zjarrfikësve, si dhe shumë shkelje të tjera ligjore
Kërkojmë nga organet ligjvënëse të konstatojnë ligjshmërin e këtyre projekteve që Komunës I kanë sjell dëm në vlerë prej 3.5 milion Euro dhe përgjegjësit të vihen para përgjegjësisë juridike.
Qytetarët e Strugës meritojnë të dinë se ku janë harxhuar paratë e tyre.
Komuna e Strugës
