Gjatë ditës së nesërme pritet që të realizohen takime mes partnerëve të koalicionit si dhe mbështetësve të kandidatit konsensual për president të shtetit, pas çka, të premten, pritet të bëhet i ditur emri i kandidatit me të cilin bashkërisht do të garojnë në zgjedhjet presidenciale të caktuara për më 21 prill.
Pas takimit të djeshëm mes kryeminstrit dhe liderit të LSDM-së Zoran Zaev dhe kreut të BDI-së. Ali Ahmeti, ky i fundit tha se kanë rënë dakort për një kandidat konsensual për president, por nuk shpalosi emrin e kandidatit.
Pas takimeve të mundshme mes kryeministrit Zoran Zaev me liderët e BDI-së, Alternativës dhe PDSH-së, kandidati për president që do të marrë dritë jeshile, më pastaj do të marrë vërtetim formal në kongresin e LSDM-së, më 3 mars.
Radmilla Shekerinska, Stevo Pendarovski, Nikolla Dimitrov dhe Oliver Spasovski janë emrat që më së shumëti janë përmendur deri më tani, e që mbeten akoma në lojë.
Për dallim prej bisedimeve të udhëhequra nga LSDM që po zhvillohen këto javët e fundit me më shumë parti politike për gjetjen e një kandidati të përnbashkët, VMRO- DPMNE tashmë e ka zgjedhur Gordana Siljanovskën si kandidate për president shteti, para thuajse dy javëve
