Një aksident tragjik ka ndodhur të mërkurën në autostradën zvicerane A1 në Oberbüren SG. Mësohet se një i ri shqiptar nga Maqedonia e Veriut ka humbur jetën.
Bëhet e ditur se 24-vjeçari, identiteti i të cilit nuk bëhet i ditur, kishte ndaluar në korsinë emergjente për të ndihmuar një person tjetër.
Personi në fjalë kishte pasur probleme me gomën e furgonit dhe i riu shqiptar kishte ndaluar për ta ndihmuar.
Mediat zvicerane kanë shkruar se një veturë i ka goditur shqiptarin dhe personin që ai po e ndihmonte.
Ende nuk është bërë e ditur se si ka ndodhur aksidenti, por policia ka nisur hetimet duke u bazuar edhe te mbledhja e provave përgjatë kamerave në rrugë.
