Gjiganti gjerman Volkswagen ka shpërndarë një shumë të parave, në bonuse për punonjësit që kanë arritur objektivat në punë gjatë vitit të kaluar.
Edhe pse në nivelin global industria e automobilizmit ka përjetuar rënie gjatë vitit të kaluar, Volkswagen ka arritur disi që gjatë kësaj periudhe të shënojë rritje në shitje, transmeton Telegrafi.
Rritja prej 2.6% mund të mos jetë impresionuese, por është një përqindje e kënaqshme në kohën kur shumë prodhues tjerë kanë regjistruar rënie të shitjes.
E pas analizimit të rezultateve të punonjësve, prodhuesi nga Wolfsburgu ka ndarë bonuset të cilat do t’ia shpërndajë atyre për punën e kryer gjatë vitit të kaluar.
Kështu punonjësit e kësaj kompanie më të madhe në Evropë, në llogari përpos pagës do t’i kenë nga 4.950 euro shtesë si dhuratë nga Volkswagen.
