Zvicra pranon 500 specialistë të huaj më tepër gjatë vitit 2018

Vitin që vjen, ndërmarrjet zvicerane do të kenë mundësi të punësojnë më tepër fuqi punëtore me kualifikime të larta nga vendet e treta ndërsa ofrues shërbimesh nga vendet e BE-së dhe EFTA-s, në krahasim me vitin 2017

Në mbledhjen e mbajtur sot, Këshilli Federal ka caktuar numrat maksimalë që mund të përmbajnë kontingjentet për punëtorët nga vendet e treta dhe të BE-së e të EFTA-s. Për të realizuar këtë, qeveria e vendit në shtator të këtij viti kishte marrë vendimin orientues, thuhet në një komunikatë shtypi të publikuar nga Këshilli Federal i Zvicrës. Ndërsa sot, më 22 nëntor, ka vendosur për rishikimin e pjesshëm të rregullores mbi lejimin, qëndrimin dhe punën (e të huajve).

Kështu, vitin që vjen, ndërmarrjet zvicerane do të kenë mundësi të punësojnë më tepër fuqi punëtore me kualifikime të larta nga vendet e treta ndërsa ofrues shërbimesh nga vendet e BE-së dhe EFTA-s, në krahasim me vitin 2017, shkruan albinfo.ch. Mbi këtë bazë, në vitin e ardhshëm për punë në Zvicër do të mund të rekrutohen gjithsej 8000 specialistë nga vendet e treta, që është 500 më shumë se gjatë vitit 2018.

Për këta janë në dispozicion 3500 leje të rregullta të qëndrimit (Viza B) ose 500 më shumë se vitin e kaluar, dhe 4500 viza L (për qëndrim të shkurtë), shkruan albinfo.ch. 500 lejet e mbetura shkojnë në rezervat e federatës dhe do të përdoren për nevojat shtesë që do të paraqesin kantonet.StrugaLajm

Po ashtu 1250 viza B dhe 2000 L do t`u ndahen kantoneve.

Vendimi hyn në fuqi më 1 janar të vitit 2018. /Albinfo/

In : Aktuale, Rajoni

Loading...
loading...