Një aksident i rëndë me pasojë vdekjen e dy personave ka ndodhur në aksin Rrogozhinë-Elbasan pranë Bishtit të Zhurit.
Shoferi i automjetit tip “Mercedes Benz” dhe pasagjeri kanë ndërruar jetë pasi janë përplasur me një kamion.
Trupat e pajetë janë bllokuar brenda makinës ndërsa nga pamjet duket se si është bërë copa- copa makina që ka përfunduar nën rrotat e kamionit.
Ndërkohë duket se brenda kamionit të ngarkuar me inerte ka mbetur shoferi, i shokuar nga ngjarja e rëndë.
Ai nuk arrin dot të dalë jashtë pasi një pjesë e makinës tip ‘Benz’ i ka bllokuar derën.
Kavajë/Informacion paraprak
Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.
Si pasojë e aksidentit, dyshohet se mund të kenë humbur jetën dy persona.
Grupi hetimor ndodhet në vendngjarje dhe po punon për sqarimin e rrethanave të aksidentit.