Kryeministri në dorëheqje Zoran Zaev dje parimisht është dakorduar me kreun e Alternativës, Afrim Gashi për koalicionim.
Në takimin e radhës pritet të bëhet ndarja e kulaçit qeveritar.
Nga Alternativa nuk jepen detaje, por jozyrtarisht pretendon që të marrë ministrinë e Shëndetësisë dhe një zëvendëskryeministër në mesin e katër prej tyre sa momentalisht numëron Qeveria.
Burime jo zyrtare po ashtu thonë se Bekim Sali është emri i cili lakohet brenda organeve partiake për ministër të Shëndetësisë. Po ashtu kjo parti synon të marrë disa drejtori nëpër ndërmarrjet dhe agjencitë qeveritare.