Kryetari i komunës së Strugës, Ramiz Merko mbrëmjen e djeshme është hospitalizuar në Klinikën për sëmundje infektive në Shkup.
Ai është pozitiv në Kovid-19, por nga partia e tij thonë se është në gjendje stabile. Informacionin për Plusinfo e kanë konfirmuar nga BDI.
Dje kishte dy të infektuar të rinj nga Struga, ndërsa në këtë komunë aktive janë 142 raste me koronavirus.
Numri i përgjithshëm i të infektuarve në këtë komunë nga fillimi i pandemisë është 547.
