Në Kosovë, Policia ka arrestuar një person i cili dyshohet se ka kërcënuar me jetë, familjen e ish-ministrit të Jashtëm, Behgjet Pacollit.
Ky lajm u mësua nga Naim Murseli, këshilltari i Pacollit. Sipas tij, personi i arrestuar e ka kërcënuar këtë të fundit se do t’i djegë fëmijët e Pacollit. Murseli tha se personi i arrestuar mbrëmë ka kërkuar edhe para nga Pacolli.
Behgjet Pacolli, është deputet i Kuvendit të Kosovës dhe ka denoncuar këtë rast në policinë e Kosovës, e cila pastaj ka proceduar me mbledhjen e provave dhe arrestimin e personit.
