Zëvendësdrejtori i Gjimnazit “Hamdi Berisha”, në Malishevë, është arrestuar nga Policia e Kosovës, pasi dyshohet se ka abuzuar seksualisht me një nxënëse.
Mediet në Kosovë shkruajnë se bëhet fjalë për Atom Krasniqin, i cili tashmë ndodhet në paraburgim. Ndërkohë, drejtori i gjimnazit, Izet Hoti ka deklaruar se ishte informuar për ngjarjen nga vetë nxënësja dhe prindërit e saj, ndërsa shtoi se zëvendësdrejtori nuk ishte arrestuar në ambientet e shkollës.
Babai i vajzës ka bërë denoncim në Polici, duke thënë se zëvendësdrejtori e ka sulmuar seksualisht vajzën në një nga tualetet e shkollës.
