Nesër në mëngjes do të vendoset për masat restriktive pas 20 prillit, ka bërë të ditur për TV21 ministri i Shëndetësisë, Venko Filipçe.
I pyetur se a është analizuar situata epidemiologjike me Covid-19 gjatë fundjavës, siç u paralajmërua, dhe kur pritet të sillet vendimi se çfarë masa restriktive do të kemi pas 20 prillit, Filipçe u përgjigj.
“Nesër në mëngjes do të vendoset”.
Ngjashëm njoftuan edhe nga Instituti i Shëndetit Publik të cilët poashtu janë pjesë përbërëse e Komisioni për Sëmundje Ngjitëse i cili i propozon masat anti-Covid deri te Shtabi Qendror që më pas të miratohen në Qeveri.
“Besojmë se do të vendoset nesër”, thanë për TV21 nga ISHP-ja.
Përndryshe, masat aktuale anti-Covid janë në fuqi deri më 20 prill, ndërkaq se a do të ashpërsohen apo lirohen, mbetet të shihet se çfarë vendimi do të marrë Komisioni për Sëmundje Ngjitëse gjatë ditës së nesërme.
