Në Sarajet e Pashait në Drimadhes shumica e punëtorëve që shërbejnë janë filipinase. E ftuar në emisionin Java në Dritare TV ishte pronarja e këtij biznesi Eva Bubeqi. Ajo tregoi se problemet me punonjësit shqiptarë, e kanë detyruar të hedhë sytë te punonjësit e huaj.
“Në jug gjithmonë kemi pasur probleme me shërbimin. Shumica e punëtorëve ikin të punojnë në punë sezonale jashtë vendit. Ideja për të sjellë të huaj në biznesin tim ishte shumë rastësisht. Në një kroçere pashë që stafi ishte filipinas dhe shumë i sjellshëm ndaj mendova pse të mos e kem edhe unë këtë standard në resortin tim.
