Deputetja e koalicionit opozitar ASH-AAA, Ilire Dauti, thotë se nuk e ka të qartë përse BDI-në e ka kapur paniku nga mundësin e miratimit të Ligjit për shtetësi që u propozua nga opozita shqiptare. Në një intervistë për gazetën LAJM, deputetja opozitare tha se me këtë ligj do të zgjidhej problemi i shumë qytetarëve që padrejtësisht nuk e posedojnë shtetësinë dhe i bëri thirrje BDl-së, që të jep kontributin e saj që kjo çështje të mbyllet sa më parë.
“Nuk e kuptoj pse duhet t’i kap paniku në një moment kaq të rëndësishëm kur qytetarët më në fund do të kenë mundësinë që të gëzojnë një të drejtë që u është mohuar padrejtësisht shumë vite.
