Ministri Bujqësisë, Pyjeve dhe Ekonomizimit të Ujërave, Lupço Nikollovski deklaroi se janë bërë të gjitha analizat e mundshme për futjen e “naftës së gjelbër” në bujqësi. Sipas tij, fillimi i masës planifikohet për vitin 2018.
“Të gjitha analizat që duhet të bëhen janë bërë në këto disa muaj. Ministria e ka krijuar edhe nafën e gjelbër, si dhe heqjen e tatimit personal deri në një milionë denarë përmes sistemit të ri të Drejtorisë së të Ardhurave Publike, që do të përcaktohet në disa nga ditët e ardhshme. Këto janë vetëm disa nga përfitimet dhe nga premtimet e inkuadruara në programin e qeverisë së re reformuese dhe demokratike”, theksoi Nikollovski duke iu përgjigjur pyetjeve të gazetarëve pas nënshkrimit të marrëveshjeve për përkrahjen e bujqve të rinj në MBPE-së.
Sipas tij, këto masa janë në interes të bujqve dhe do të implementohen javën e kaluar. Nafta e gjelbër, nënvizoi ministri, nënkupton prodhim më të lirë dhe edhe një përfitim për të gjithë bujqit.
