– Më shumë se 27 milionë njerëz, më saktë 27.005.196 janë infektuar me koronavirus në botë nga fillimi i pandemisë, tregojnë të dhënat e ueb-faqes “Uorldmeters”.
Sipas ueb faqes, nga pasojat e virusit deri tani kanë vdekur 882.359 persona, ndërsa janë shëruar 19.103.268 persona.
Në këtë moment ka më shumë se shtatë milionë raste aktive.
Situata është më e vështirë në SHBA, ku më shumë se 6,4 milionë njerëz janë infektuar me koronavirus.
Në vendin e dytë dhe të tretë janë Brazili dhe India me mbi katër milionë të infektuar.
Rusia edhe më tej është vendi i katërt në botë dhe i pari në Evropë sipas numrit të të infektuarve me virusin Kovid-19.
