Votim familjar në Saraj, shpërndarje e fletushkave në Gazi Babë, Kisella Vodë dhe Shtip, persona të ftuar në bisedë informative. Janë këto një pjesë e ndodhive që si parregullsi ka regjistruar Shoqata joqeveritare “Dil të votosh”. “Është regjistruar shpërndarje e fletushkave në komunën Gazi Babë, Kisella Vodë, Shtip. Në Çeshinovë- Obleshevë është lajmëruar për marrjen e personave në bisedë informative, është evidentuar edhe rast të votimit familjar në Saraj si dhe prani e madhe e forcave policore nëpër disa komuna”, ka thënë Ilija Cvetkovski nga “Dil të votosh”.
