Uji me gaz përdoret shumë nga ata që tentojnë të qëndrojnë të shëndetshëm. Ky ujë pihet nga të gjithë.Por, duket se ky ujë nuk është një opsion shumë i shëndetshëm, pas të gjithave.
Kjo pasi shija e gazuar e tij vjen nga shtimi i dioksidit të karbonit nën shtypje, duke rezultuar më pas me ujë që përmban acid të dobët karboni.
Adam Thorne, një dentist nga Londra, tha për Daily Mail se efektet anësore të ujit të gazuar mund të jenë goxha alarmante.
“Shumica e njerëzve nuk ia kanë idenë se uji me gaz është ekstrem acidik. Flluskat e tij gërryejnë smaltin e dhëmbëve tuaj – dhe me kalimin e kohës kjo shkakton çarje të verdhë dhe të dhimbshme në dhëmbë”, tha ai.
