Një aksident me pasojë një të vdekur ka ndodhur pak minuta më parë në aksin rrugor Elbasan-Librazhd. Një automjet i drejtuar nga një shtetas I Maqedonisë ka përplasur për vdekje një këmbësor në vendin e quajtur Labinot Fushë.
Mësohet se viktima është shtetasi me inicialet Agron Murati 37 vjec i cili ka ndërruar jetë si pasojë e përplasjes. Policia ka shoqëruar drejtuesin e mjetit, shtetasin D.S., 26 vjeç banues në Maqedoni.
Njoftimi i policisë:
Më datë 03.12.2017 në aksin rrugor Elbasan-Librazhd në fshatin Labinot Fushë shtetasi D.S., 26 vjeç banues në Maqedoni duke drejtuar mjetin tip Kamion me targa BT631DM ka aksidentuar këmbësorin, shtetasin A.M., 37 vjeç banues në fshatin Griqan Elbasan i cili ka ndërruar jetë. Drejtuesi i mjetit është shoqëruar në Komisariatin e policisë Elbasan për veprime të mëtejshme.
Grupi hetimor ndodhet në vendngjarje, po kryen veprimet proçeduriale dhe punon për përcaktimin e shkaqeve të aksidentit.
