Sektori për krimin ndërkufitar dhe migrim ilegal pranë Qendrës Rajonale për Punë Kufitare Perëndim-Ohër në pikën kufitare të Qafë Thanës realizuan sot (29 dhjetor) aktivitet parandalues nën moton “JO fishekzjarre, siguria në radhë të parë”.
Nga ana e oficerëve të policisë, krahas sugjerimeve praktike për vigjilencë të detyrueshme gjatë drejtimit të automjetit dhe pushimit, në komunikim të drejtpërdrejtë drejtuesit e automjeteve dhe pasagjerëve u njoftuan për rreziqet dhe pasojat e rënda të përdorimit të paligjshëm të fishekzjarreve dhe mjeteve të tjera piroteknike, të cilat përmbajnë eksploziv dhe mund të shkaktojë lëndime të rënda dhe të përhershme dhe pasoja shëndetësore. Njëkohësisht, punonjësit e policisë prezantuan masat ndëshkimore ligjore me të cilat mund të përballen qytetarët për mbajtjen dhe përdorimin pa leje të mjeteve piroteknike dhe fishekzjarrëve.
