Viti i ri shkollor 2021-2022 fillon më 1 shtator me shkolla të hapura për të gjithë nxënësit. Sistemi arsimor është plotësisht i përgatitur për këtë. Në periudhën e kaluar ne jemi përgatitur intensivisht, duke ndjekur rekomandimet e institucioneve kompetente shëndetësore, por edhe të organizatave botërore si OBSH dhe UNICEF, ne kemi zhvilluar protokolle pune dhe kemi pregaditur protokollet për punë dhe i kemi dërmarrë të gjitha masat e tjera të sigurisë nga aspekti shëndetësor në mënyrë që shkollat të mund të punojnë përsëri me praninë fizike të nxënësve.dhe mësimdhënësve. Këtë e tha Ministrja e Arsimit dhe Shkencës Milla Carovska, në një video -fjalim para nxënësve, mësimdhënësve dhe prindërve me rastin e fillimit të vitit të ri shkollor.

“Uroj të gjithë nxënësve një fillim të suksesshëm, shumë njohuri të reja, arritje dhe përfundim të suksesshëm të një etape tjetër të jetës. Kini besim në veten tuaj, mos hiqni dorë nga qëllimet tuaja dhe mbani mend se arsimi është investimi juaj më i rëndësishëm në jetë. Ju keni mbështetjen e mësimdhënësve dhe, më e rëndësishmja, të familjës dhe të afërmit tuaj. Urime dhe falënderime të mëdha për të gjithë prindërit dhe kujdestarët për angazhimin dhe kontributin në zbatimin e suksesshëm të mësimit në kushte të pandemi. “Unë besoj se me kthimin e mësimit me prani fizik në shkolla, do të jetë më e lehtë për të gjithë,” tha Carovska.

Ministrja i uron punë të suksesshme menaxhmentit, mësimdhënësve, shërbimeve profesionale dhe të gjithë punonjësve të tjerë në shkolla.

“Stafi mësimor është hallka më e rëndësishme në procesin arsimor. Cilësia e brezave që krijohen varet më shumë nga ju. Një vit ka kaluar nga mandati im. Ne kemi bërë shumë së bashku, por ka akoma më shumë për të bërë. Ju jeni bartësit e ndryshimeve që ne kemi krijuar së bashku dhe nga të cilat pritjet janë të mëdha.Besoj se ju do të jepni maksimumin për të arritur qëllimet e përcaktuara. Investimi dhe puna e deritanishme janë të mëdha, ndërsa interesi është i përbashkët ”, thotë Carovska.

Ministrja theksoi se MASH është gjithmonë këtu për të gjithë ata që kanë nevojë për mbështetje, por gjithashtu kujtoi sjelljen e përgjegjshme në çdo rast gjatë këtyre kushteve të jashtëzakonshme për arsimim dhe respektimin e masave dhe protokolleve.
“Mos harroni të jeni përgjegjës në çdo rast gjatë këtyre kushteve të jashtëzakonshme për arsim, mbroni shëndetin personal dhe kontribuoni në sigurinë e të tjerëve përreth jush,” tha Carovska.
Ministrja falënderoi gjithashtu të gjithë ata që kontribuan në organizimin e vitit të ri shkollor.Pres që bashkëpunimi me vetëqeverisjet vendore, me sektorin civil, me organizatat ndërkombëtare dhe palët e tjera të shumta të vazhdojë dhe intensifikohet, veçanërisht tani që kemi filluar tranzicionin e sistemit arsimor kombëtar për shkak të integrimit të tij në bota arsimore.

Ministria e Arsimit dhe Shkencës