Deputeti më i rrahur më 27 prill, Ziadin Sela nuk ka qëndruar i heshtur pas asaj që sot kryeministri Zoran Zaev tha në Parlament, konkretisht faljen që i ofroi VMRO-së për të enjten e përgjakshme të 27 prillit.
Në një postim në profilin e tij në Facebook, Sela e paralajmëron Zaevin të mos dalë mbi institucionet dhe drejtësinë.
“Nuk e di se vallë kryeministri Zoran Zaev a ka pasur ndonjë hall, sherr privat apo familjar më datë 27 Prill që po shtron dorën e pajtimit. Në qoftë se e ka për ngjarjet e 27 Prillit në Kuvend, ai nuk është mbi institucionet, mbi drejtësinë. Është i zgjedhur si Kryeministër i vendit dhe jo Mbret i tij”, ka shkruar Ziadin Sela. (koha.mk)