Gazetari Vehbi Kajtazi, i ftuar në emisionin Rubikon në KTV, për të folur për situatën e medias në Kosovë, dhe dhunën ndaj gazetarëve, ka thënë se ai nuk është marrë e as nuk do të merret asnjëherë me jetën e askujt, duke përfshirë këtu edhe politikanët.
Kajtazi ka thënë se të gjitha shkrimet e tij kanë pasur të bëjnë lidhur keqpërdorimet dhe punën e tyre në institucionet publike.
Ai ka bërë të ditur se ka në posedim me dhjetëra përgjime të politikanëve që kanë të bëjnë me jetën e tyre private, të cilat tregojnë se ata shkojnë me femra të reja, 20 vjeçe, por ato nuk i ka publikuar, dhe nuk do t’i publikojë.
