Bilall Kasami në paraqitjen e tij në ClickPlis në TV21 deklaroi se Lëvizja Besa kërkon që sa më shpejtë të mbahen zgjedhje të parakohshme parlamentare. Kasami tha se Lëvizja Besa do të “çlirojë shqiptarët, ashtu siç e çliruan Tetovën”.
Ashtu siç e çliruam Tetovën, në një unifikim dhe përbetim, Lëvizja BESA kërkon zgjedhje të shpejta të parakohshme parlamentare me të vetmin qëllim, çlirimin e shqiptarëve nga Struga deri në Kumanovë nga ky pushtet qendror dashakeqës dhe keqbërës njëzetvjeçarë.
“Jam dyfish i motivuar që të vazhdojmë betejën politike që të çlirojmë shqiptarët ashtu siç e çliruam Tetovën. Jam i bindur që nëse Tetovën e gjetëm në këtë katrahurë, gjendja e shqiptarëve në nivel nacional është dyfish më e rëndë se kjo”, tha mes tjerash Kasami.
