Sekretari shtetëror në Ministrinë e Punëve të Brendshme, Magdalena Nestorovska ka informuar se nëpërmjet e-mail po shpërndahet një ftesë e rrejshme, në të cilën thotë ajo “i është falsifikuar nënshkrimi i saj”.
Në shkresën ftohen qytetarët të shkojnë në stacionin policor për shkak një hetimi.
“Ju njoftoj se nëpërmjet postës elektronike po qarkullon një nënshkrim i falsifikuar. I njëjti as nuk është dërguar e as është nënshkruar nga unë si Sekretar shtetëror në MPB. Bëhet fjalë për një falsifikim të rëndë me qëllim që të shkaktohet shqetësim tek qytetaret”, ka shkruar Nestorovska në fejsbuk.