Një nuse shtatzënë vdiq nga një goditje, vetëm disa minuta para se të arrinte në altar për t’u martuar. Foshnja u lind pak minuta më vonë nga seksioni cezarian i urgjencës dhe mbijetoi.
30-vjeçarja Xhesika Guedes ishte gjashtë muajshe shtatzënë, dhe dukej se ishte e shëndetshme tërë ditën. Sidoqoftë, ajo filloi të ndjehej e sëmurë ndërsa hipte në limuzinë gjatë rrugës për në kishë në São Paulo.
Raportohet se Xhesika ishte ankuar se ndjeu marramendje nga dhimbjet në qafë gjatë rrugës, gjë që familja e saj i tha se kishte vetëm ankth për martesën. Mjerisht, u zbulua se nusja vuante nga Pre-eclampsia, një gjendje e rrallë që mund të prekë rreth një përqind të grave shtatzëna.
Në atë kohë, i fejuari i Xhesikës, zjarrfikësi 31-vjeçar, toger Flavio Gonçalvez ishte tashmë në altar. Sipas raportimeve, një i afërm u fut në kishë për ti thënë se Xhesika kishte humbur ndjenjat në makinë.
Duke pasur parasysh ashpërsinë e çështjes, ekipi mjekësor kreu një seksion cezariane urgjente për të shpëtuar jetën e foshnjës 29-javëshe dhe nënën e re, e cila ishte shpallur e vdekur në tru, por ndërroi jetë pas operacionit.
Foshnja aktualisht është në njësinë e kujdesit intensiv neonatal dhe ka të ngjarë të qëndrojë në spital edhe për dy muaj të tjerë.