Në Aeroportin Ndërkombëtar të Shkupit ka përfunduar ceremonia e pranimit të kufomave të 45 viktimave të aksidentit tragjik në Bullgari.
Në ceremoni morën pjesë kreu shtetëror nga vendi, Shqipëria dhe Kosova.
I pranishëm ka qenë edhe kreu fetar në vend si dhe delegacioni qeveritar dhe parlamentar, transmeton TV21.
Që të gjithë bënë homazhe për viktimat.
Kufomat nga Bullgaria u sollën me dy aeroplanë ushtarakë nga Bullgaria, ndërkaq familjarëve u dërgohen me vetura funerali.
Në aksidentin ku u përflak autobusi i “Besa trans” në autostradën Struma në Bullgari më 23 nëntor, u lënduan edhe 7 persona.
Homazhe për viktimat janë bërë edhe në sheshin “Skënderbeu”.
