Ende pa u votuar ligji për gjuhët, dygjuhësia në Maqedoni dalëngadalë po mbizotëron gati në gjitha institucionet shtetërore, shkruan Zhurnal.
Së fundmi edhe në institucionet e shëndetësisë, gjegjësisht në Spitalin shtetërorë të Shkupit tanimë janë vendosur tabelat në tre gjuhë, në atë maqedonase, shqipe dhe gjuhën angleze.
Ashtu edhe siç paralajmëroi Ministri Taravari se në institucionet shëndetësore nuk do të anashkalohet më gjuha shqipe, dhe kjo shihet nga fakti që në tabelat e reja në Spitalin shtetëror të Shkupit, mbizotëron edhe gjuha shqipe.
Ndryshe, ligji për gjuhët ka kaluar në seancë qeveritare, dhe pas pushimit të deputetëve pritet që ligji për gjuhën shqipe do të votohet edhe në parlament.
