Kryeministri Zoran Zaev theksoi se pas shtyrjes së Regjistrimit për në Shtator, do të duhet të bëhen ndryshime edhe në Metodologjinë për regjistrim.
Ai deklaroi se në takim me kreun e VMRO-DPMNE-së kanë biseduar edhe për këtë çështje, por do të bëhen vetëm ndryshime teknike, më konkretisht në pjesën e regjistruesve të cilëve deri në shtator mund tu ndryshojë edhe statusi i punës ose mund ta lëshojnë vendin.
“Biseduam me z. Mickovski për metodologjinë, por për pjesën teknike, gjë që është shumë e logjikshme për shkak se disa muaj është anuluar regjistrimi, ndërsa qytetarët që u paraqitën në regjistrim dhe u zgjodhën si regjistrues nuk mund të mbesë garanci se do të mbesin si regjistrues, pasi sipas kritereve, që të paraqiten si regjistrues duhej të jenë qytetar të papunë, ndërsa në këtë periudhë mund të punësohen, dikush mund të ikë. Bëhet fjalë për aspekte teknike për shkak se është e palejuar të hyjmë në esencën dhe strukturën e metodologjisë pasi ajo është konfirmuar nga Eurostat e gjithsesi edhe nga partitë tjera politike”, theksoi Zaev.(INA)
