Ka arritur në 6 numri i personave të arrestuar si të përfshirë në vrasjen e një shqiptari në Australi. Urim Gjabri, 46-vjeç, u vra në shtëpinë e tij në Carousel St në Para Vista, pak pas mesnatës të 9 Tetorit të vitit që lamë pas.
Hetimet për vrasjen e tij deri më tani kishin çuar në pranga 5 persona, përfshirë një vajzë, e akuzuar si bashkëpunëtore në vrasje. Ndërsa këtë të enjte, detektivët arrestuan një person të gjashtë.
I arrestuari është një 45-vjeçar nga Adelaide, identiteti i të cilit nuk bëhet i ditur. Hetimet për vrasjen e shqiptarit vijojnë, megjithatë pas vrasjes së tij dyshohet se fshihen pazaret e drogës.
Autoritetet vendase kërkojnë ndihmën e qytetarëve për të dhënë dëshmi.
Besohet se vrasësit vodhën një sasi të madhe kanabisi nga prona ku jetonte shqiptari.
![](https://www.tetovasot.com/wp-content/uploads/2019/01/1-294.jpg)
![](https://www.tetovasot.com/wp-content/uploads/2019/01/2-99.jpg)
![](https://www.tetovasot.com/wp-content/uploads/2019/01/3-29.jpg)
![](https://www.tetovasot.com/wp-content/uploads/2019/01/4-8.jpg)
![](https://www.tetovasot.com/wp-content/uploads/2019/01/5-26.jpg)
![](https://www.tetovasot.com/wp-content/uploads/2019/01/6-6.jpg)
![](https://www.tetovasot.com/wp-content/uploads/2019/01/7-6.jpg)