Gjatë një manovre parakalimi, një motoçiklist humbi kontrollin mbi motoçikletën e tij të enjten në Rheinfelden të Zvicrës. Një helikopter shpëtimi e dërgoi menjëherë në spital me lëmdime të rrezikshme për jetën

Një shtetas i Maqedonisë 38-vjeçar u lëndua me kërcënim për jetën, gjatë një përplasje të dhunshme në Rheinfelden. Ai ishte duke qarkulluar në rrugën kryesore midis Rheinfeldenit dhe Kaiseraugstit, të enjten rreth orës 13:00. Motoçklisti filloi të parakalonte disa makina, shkruan në një mesazh Policia e Kantonit Aargau, transmeton Shtegu.

Për arsye ende të panjohura, atij i doli nga koka helmeta. Si rezultat i kësaj, ai humbi kontrollin e biçikletës së tij sportive, doli nga rruga dhe u përplas në një pemë.

Shtetasi i Maqedonisë pësoi fraktura të shumta dhe dëmtime serioze të brendshme. Një helikopter shpëtimi e dërgoi atë në spital në një gjendje të rrezikshme për jetën. Motoçikleta pësoi dëme të mëdha.

Policia e Kantonit Aargau ka filluar hetimet e saj për shkakun e aksidentit. Zyra e prokurorit publik në Rheinfelden-Laufenburg hapi një hetim.