Kryesia e Bashkimit Demokratik për Integrim ka vijuar vazhdimin e tretë të mbledhjes së kryesisë së filluar më 16 mars 2018 ku u diskua rreth realizimit të programit nga ana e pushtetit ekzekutiv qëndror si dhe rreth aktualiteteve politike.
Në mbledhje, Kryetari Ahmeti njoftoi udhëheqëdinë e partisë rreth bisedimeve me partnerin e koalicionit në lidhje me zgjërimin e shumicës parlamentare si dhe çështjes së emrit, ndërsa foli edhe për ligjin për përdorimin e gjuhës.
Anëtarët e Kryesisë shqyrtuan në detaje rrjedhen e zbatimit të programit dhe mbyllën pjesën e raportimit të ministrave, zëvendës ministrave dhe sekretarëve shtetëtor para kryesisë partiake.
Mbledhja e Kryesisë do të vazhdon të premten e ardhshme, më 13 prill, me fillim në ora 14:000 në selinë e partisë në Tetovë ku do të nis diskutimi i gjërë rreth ndërtimit të strategjisë për BDInë në dy dekadat para nesh.
