Mbledhja e Këshillit qendror të LSDM-së, e cila ishte anuluar të martën për shkak ditëve të zisë, duhet të mbahet sonte dhe në të pritet të shqyrtohet dorëheqja e kryetarit të partisë Zoran Zaev.LA
Nëse pranohet dorëheqja, fillon procedura për zgjedhjen e kryetarit të ri të partisë. Sipas Statutit të partisë, është paraparë afat prej 15 ditësh për shpalljen e zgjedhjeve brendapartiake për kryetar të ri të LSDM-së. Zgjedhjet janë të drejtpërdrejta, me votim të fshehtë për të gjithë anëtarët e regjistruar. Kryetari i ri, siç ka paralajmëruar vetë Zaev, duhet të jetë kryeministër i qeverisë së re.
